Burco(Bnn) Salaaadiinta iyo waxgaradka beelaha gobolka togdheer ayaa sitoosa uga hor imid qorshaha diiwaangalinta codbixiyayaasha doorashooyinka soo socda.

Salaadiinta iyo waxgaradka oo shir la qaatay xubno koob iyo toban xubnood ah oo ka kooban koomishanka, wasaarada arimaha gudaha, guurtida oo uu hogaaminayo gudoomiye kuxigeenka koomishanka doorashooyinka Md Xirsi Cali X. Xasan ayaa salaadiintu u shegayn inan xiligan diiwaangalin laga qaban Karin gobolka togdheer daruufo jira awgood.

Suldaan Cismaan Suldaan Cali Madar oo ka mid ah saladiinta ugu waaweyn gobolka togdheer ayaa sheegay in daruufaha gobolku aanay saamaxayn in hada diiwaangalin laga qabto, isagoo intaa ku daray inaan loo baahnayn in la isku hawlo waxay reer galbeedku 500 oo sano lasoo rafanayeen inaynu markaliya fulinayo.

Suldaanku wuxu intaa ku daray in loo bahan yahay in doorashooyinka aynu ku qabsano sida aynu garanayno ee kuwii horena ku qabanay.

Xirsi Cali X. Xasan oo ah gudoomiye kuxigeenka Koomishanka doorashooyinka oo hogaaminayey guddida tagtay Togdheer ayaa kulankaa ka sheegay in wixi cabasho ah ay u gudbinayaa loona eegi doono heer qaran.

Wuxu intaa ku daray Md Xirsi in uu ogyahay Abaaraha iyo daruufaha ka jira gobolka, balse buu yidhi gudigoodu u timid qiimayn ay ku qiimeenayan xaalada gobolada Bariga isagoo sheegay inay hada dhisayaan Xafiisyadii heer degmo iyo tuulooyin.

Xirsi oo ka hadlayaa cabashada Salaadiinta wuxu sheegay in cabashadooda la isla eegayo si heer qaran ah isla markana si heer qaran ah loo gali doono oo wixi lama huraan noqda oo qaban doono.

Borama News Network
Hargeysa Office