Mogadishu(Bnn)Aroornimadii saaka ayaa ciidamo ka tirsan dowladda federaalka Kumeelgaadhka Ee Soomaaliya oo ku hubeysanaa noocyada kala duwan ee gaadiidka dagaalka waxay ku soo faafeen Suuqa xafada Buulo xuubay iyo xaafadaha ku xeeran oo ka tirsan degmada Wadajir ee magaalada Muqdisho ka dib markii fiidnimadii xalay kooxo hubeysan ay bam gacmeed ku weerareen gaari ay wateen ciidamo ka tirsan DF oo halkaasi marayey.

Ciidamadan ayaa lagu soo waramayaa iney galeen xaafadaha ku xeeran Suuqa Buulo xuubey iyagoo ka baadi goobaya sida la qiyaasay kooxihii xalay bam gacmeedka ku soo weerararay oo aan la ogeyn qaabla ay ku aqoonsan karaan lamana oga illaa hadda iney halkaasi dad ka qabnqabteen iyo in kale, iyadoo uu guud ahaana xiran yahay dhaqdhaqaaqii ganacsi iyo isu socodkii dadka iyo gaadiidka ee suuqa Buulo Xuubey.sida ay saxaafadu sheegtay

Weerarkii bam ee xalay lagula beegsaday Suuqa Buulo Xuubey gaariga ay saarnaayeen ciidamada DF ayaa waxaa ku dhaawacmay illaa afar ruux oo mid ka mid ah uu ahaa ciidamada dowladda Soomaaliya halka saddexda kale ay ka ahaayaeen dad rayid ah oo goobta ka ag dhowaa, waxaana qaar ka mid ah dadkaasi ay ku dhaawacmeen rasaas ay qaraxa ka daba fureen ciidamada, waxaana dhaawacooda la dhigay isbitaalka Madiina ee magaalada Muqdish halkaasoo imika lagu daweynayo.

Boramanewsnetwork

Abdoulkarim Qamaan Ali"Fiiri"