Hargeisa(Bnn). Jaamacadda Hargeisa ayaa la sheegayaa in uu ka taagan yahay khilaaf balaadhan oo huursan, kaasi oo soo shaac baxay maalmihii la soo dhaafay, kadib markii la sheegay in Guddi cusub oo ka kooban Lix Xubnood loo magacaabay inay noqdaan Guddida Sare ee Jaamacadda Hargeysa, kuwaasi oo uu soo magacaabay Madaxweyne Xigeenka Somaliland Mudane Axmed Yuusuf Yaasiin.

Haddaba Guddidani ayaa la sheegay inay Maamulka Jaamacadda kala hadleen sidii loo xisaabin lahaa Jaamacadda iyo Dhaqaalaheeda, waxaana la sheegay in ay taasi ka dhalatay khilaaf kala qaybiyey Maamulka Jaamacadda gudihiisa ee kala haga Kuliyadaha kala duwan ee Jaamacadda.

Warar lagu kalsoon yahay oo Wargeyska Waaheen ka helay Jaamacadda Hargeysa, ayaa sheegaya in Madaxweyne Xigeenka Somaliland uu Khamiistii toddobaadkii la soo dhaafay Jaamacadda Hargeysa tagay, kulana halkaasi kula yeeshay Maamulka Jaamacadda, balse wararkaasi ma xaqiijin Qodobada ugu waaweyn ee laga wada hadlay.
Golaha sare cusub ee Jaamacada Hargeisa ayaa la sheegaya inay ka mid yihiin.
Guddomiyaha Hayada shaqalaha C/raxmaan Xuseen Ismaciil, Wasiirka Hawada iyo Dulista Cali Maxamed Warancade, Wasiirkii hore Waxbarshada Cismaan Xassan mire,Wasiirkii hore Arimaha Dibada Adna Aadan Ismaciil, iyo Dr xildhibaan cali yuusuf.
Hadaba golahani cusub ayaa la sheegay inay doonayaan in Maamulka Jaamacada Hargeisa kala xajodaan sidii loo sii wadi lahaa hawlha Jaamacada iyadoo si nadiifa la iskula meel dhigayo qaabka loo wada shaqaynayo ama Maamulka jamacdu hawshiisa u gudanayo oo cad wax mad madaw ahina aanu ku jirin.

Khilaafka Jaamacadda ayaa waxa uu noqday mid saamayn badan ku yeeshay hormoodyada Kuliyadaha kala duwan ee Jaamacadda, iyada oo ay Maamulka Jaamacaddu baahiyeen inay bannaan tahay Shaqada Hormoodka Kuliyadda Sayniska, isaga oo hawlihiisa shaqo wata Hormoodka Shaqadiisa la baahinayay, taasina ay noqotay mid fajac badan ku keentay Ardayda iyo Masuuliyiinta Jaamacadda qaar ka mid ah.

Waxa kale oo warar lagu karlsoon yahay ay sheegayaan in shalay laga joojiyey shaqadii Hormoodka Kuliyadda Sharciga ee Jaamacadda Hargeysa Maxamuud Xuseen Faarax, kaasi oo aan la shaacin sababta shaqo ka joojintiisa, balse mar Wargeyska Waaheen khadka Tilifoonka kula xidhiidhay Hormoodka Kuliyadda Sharciga, ayaa waxa uu ka gaabsaday in uu wax faahfaahin ah ka bixiyo sababta keentay shaqo ka joojintiisa, balse waxa uu qiray in uu khilaaf jiro oo keliya.
Waxaana wararkani u dhuun daloola Jaamacada Hargeisa ay tibaxayaan in aanu khilaafku ku koobanayn labadaasi kuliyadood o kaliya balse uu samyna ku leeyahay kuliyada tiknoolajiyada casriga ah ee ITda iyo culuumta warbaahinta.

Dhinaca kale, Maamulka Jaamacadda ayaa muddooyinka u dambeeyey lagu eedaynayey Musuqmaasuq iyo Jaamacaddii oo aanay adeegyadii ay Ardaydu u baahnaayeen u qaban, iyagoo dadka qaarna u arka inay Jaamacaddu fadhiid tahay.
Mid ka mid ah Ardayda Jaamacadda Hargeysa, isla markaana codsaday in aan magaciisa la shaacin ayaa yidhi; "Waxaan arkay Maamulka Jaamacadda iyo kuliyadaha oo aanay wada shaqayni ka dhaxaynin, waxaan arkay Maamul qayb qaybin wada, waxaan arkay Maamul shaqaalihii kala qoqobaya, waxaan arkay shaqaale is xininaya, waxaan arkay ardaydii oo la koox kooxeeyey, waxaan is weydiiyay sababaha keenay anigoo mid mid u qaadaa dhigi doona waxaan ka wadi waayay sababahan:
- Maamul xumo
- Golihii Sare ee Jaamacadda ee la xisaabtami lahaa Maamulka oo aan jirin.
- Sharci iyo nidaamkii Jaamacadu lahayd oo aan lagu dhaqmayn.
- Cid Maamulka la xisaabtanta oo aan jirin
- Ururkii ardayda ee Jaamacadda Dhisan lahaa oo la baa'biyay si loo qariyo Maamul xumada Jaamacadda ka jirta.
- Ururkii macalimiinta Jaamacadda oo la baabiyiyay si loo wiiqo awoodooda."

Balse khilaafka ugu badan ee ka tagan Jaamacada Hargeisa ayaa waxa la sheegayaa inuu saamaynta ugu badan ku leeyahay dhicana dhaqaalaha oo lagu eedaynayo in Maamulka Jaamacddu ay lunsadaan lacagaha laga qaado Aradayada iyo inay cidii runta ka sheegata Maamulkooda iyo qaabka ay u wadaan hawlaha u isticmalaan awodooda oo xataa qaar shaqada laga fadhiisiiyo.

Ardayda wax ka dhigata Jaamacada Hargeisa ayaa Imtaxaanadkii ugu danbeeyay ee ay ardaydu gashay waxay cabasho xoog leh kasoo jeedinayeen qaabkii loola dhaqamay markay imtaxaanka galayeen gaar ahaana dhinac lacagta laga qaadayo, iyagoo qar badan oo ka mid ahina eeda Jaamacada dusha uga tuureen masuuliyiinta Jaamacadu inay doonayaan oo kaliya inay sida ay jecelyihin u Maamulaam ardayada iyo hannaanka Jaamacada, kuwaasi oo la sheegay inay sababtay in uu khilaaf huursani uu ka dhex dhaco Maamulka Jaamacada, shaqaalaha, hormuudyada kuliyadaha kaladuwan, macaliimiinta wax ka dhigta balse khalaafkasi huursan aya markii ugu horaysay todobaadkani soo xoogaystay.

Waxa Jaamacada Hargeysa aan ka jirin ururkii Aradayada Jaamacada oo ahaa urur awood leh oo wax ka qabta hawlaha Aradayada, isla markaana ku yimid sharci nidaamsan oo ay ardaydu ku samaysten cod xalaala oo doorasho toos ah, halka warar ilo lagu kalsoon yahay aanu ka helaynaa tibaaxayaan in uu jiray urur ay samaysteen macalimiinta Jaamacada wax ka dhigaa kaasi oo uu kasoo horjeestay Maamulka Jaamacada Hargeisa.

Dhinaca kalena Wariyayaal ka tirsan Wargayska Waaheen ayaa idhahooda ku soo arkay masuuliyiin ka tirsan Maamulka dalka gaar ahaan Golaha Sharci Dajinta ee Wakiilada oo doonaya inay galaan khilaafka ka jira Jaamacada isla markaasina u dhameyaan si haboon kuwaasi oo ka gabsaday inay wax tafasiil ah warfidiyeenada ka socday Waaheen uga waramaan gundhiga Khilaafkani, balse kulan la filayo in uu dhexmari doono manta Maamulka Jaamacada iyo gudida sare e Jaamacada ayaa la shegayaa in laga dhur sugayo waxa kasoo baxa kaasi oo laga bixinayo dareen wanagsan oo ay ku bogsan karaan dhinacyada ishayaa hadii uu ku dhamaado hanaan is Afgarad ah.

Maaha markii ugu horaysay ee uu Maamulka Jaamacada Hargeisa uu so dhex galo khilaaf balse waxa aan ka maqnayn xusuuta dadka inta badan khilaafkii xooganaa ee dhexmaray masuuliyiintii gudida sare Jaamacada ahayd iyo Mamulka fulinta ee Jaamacada Hargeisa.


Mohamed Sh. Yahye
mohamed.yahye@gmail.com