Borama(Bnn) qaar ka mid ah cuuqasha gobolka awdal ayaa jawaab kulul ka bixiyey eedayn uu gudoomiyaha gobolku u jeedayey koomishanka qaranka doorashooyinka.

Cuqaasha gobolka oo dabo joogayn eedaynta gudoomiyaha uu ku duray habka ay koomishanka doorashooyinku u magacaabayn wakiilada heer gobol iyo degmo ee diiwaangalinta codbixiyayaasha, ayaa sheegay in aan loo baahnayn in la kala fuquuqo bulshada reer awdal.

Warmurtiyeed qoraal ah oo cuqashu soo saarayn kuna saxeexnayeen Caaqil Abshir Muxumed Ducaale, Caaqil Cismaan Barkhad Xirsi iyo Caaqil Muuse Xuseen Faarah ayaa u dhignaa sidan:

“Waxaanu gudoomiyaha xusuusinaynaa horta inuu si fiican u derso una akhriyo xeerka koomsihaankaasi doorashooyinkuleeyahay, kaas oo ah garsoor iyo xaqsoor seddexda xisbi qaran iyo wakiiladooda gobolada iyo degmooyinka gobolka waxay isla gartaan seddexdaa xisbi ee heer Qaran iyo heer degmo ayaa koomishanku qaata talooyinka ay isla gartaan dadka degen degmooyinka, maamulada ka jira iyo xisbiyada laakin ma qaaatan wax loo yeedhiyo, mana geyaan aflagaadada iyo dhaleecaynta aad koomishanka u jeedisay, waxaanad ogaata inaad dadkoo dhan badhasaab u wada tahay.

Waxa klae oon ku xusuusinaynaa in dadka wada dega degmooyinka uu ilaahay wada dhigay, ayna yihiin dad walaalo ah iskaba dhaaf kuwa dalka kuwada noole ee xitaa kuwa itoobiya ku nool nin loo sheegan karaa ma jiro dalka iyo deegaanka toona, xilka uu doonaba wuu ka qaban karaa waxana wanaagsan in cid kasta oo dadka isku diraysa laga qabto, talada wanaagsan iyo maamula wanaagsanina sidaasu ku iman karaa”

Borama News Network
Borama Office