|
Laascaanod(Bnn)- Ciidamada Melitaryga
Ethiopia ayaa xoog kusoo furtay gaadhi lagala
hargeisa oo kooxo maleeshiyo ahi ku afduubayn
duleedka magaaalda Buuhoodle ee Gobolka Sanaag
Gaadhigaas oo ay lahaayeen dad shacab ah oo
ganacsato ah ayaa budhcad u gashay wadada,waxayna si
naxariis daro ah u kaxaysteen gaadhigii iyo dadkii
saarnaa,iyagoo markii hore la soo galay Buuhoodle.
Kadib markay odayaasha reer Buuhoodle ka dalbadeen
nimnkaas dablayda ah inay sii daayaan dadka rayidka
ah iyo gaadhigoodaba,una hanjabeen in xoog lagaga
sii dayan doono,ayay ula baxsadeen dhinaca bariga
Hawdka,iyagoo gaadhay tuulada Dhumay oo ka tirsan
degmada Laascaanood ee gobolka Sool.
Ciidamada Somaliland ee ku sugan degmada Kalabaydh
ayaa waxay xidhiidh la sameeyeen ciidamada
Itoobiya,taasookeentay in ciidamda Itoobiya
hareereeyaan tuulada Dhumay,halkaas oo ay markaas ku
sugnaayeen dablaydii,gaadhigii iyo dadkii la
haysteyba,iyadoo gacanta lagu dhigay gaadhigii iyo
dadkii afduubka loo haystey
Gaadhigii iyo dadkii oo bedqaba ayaa lagu wareejiyey
ciidamda Somaliland ee degmada Kalabaydh,waxaana
dadkii iyo gaadhigii hada gacanta loo geliyey Garaad
Jaamac Garaad Cali oo ku sugan tuulada
Saaxdheer,iyadoo loo soo gudbin doono dhinaca
Laascaanood,kadibna ay guryahoodii si xor ah
Hargeysa ku tegi doonaan.
Borama News Network
Hargeisa Office
|
