Boosaaso(Bnn)rasaas
kala duwan oo aan si buuxda loo ogeyn waxyaabaha
keenay iyo cida ay dhexmarayso ayaa caawa laga
maqlay qaybo ka mid ah magaalada Boosaaso ee xarunta
Gobolka Bari.
Rasaastaasi oo si teel teel ah u dhacdey ayaan la
ogeyn khasaaraha dhabta ee ay geysarey iyo ujeedada
ka dambeysa, waxaase ay ku soo aadaysaa iyadoo
habeenkii labaad hawlgalo baaxad weyn ay wadaan
ciidamada Booliiska iyo kuwa Daraawiishta oo
taageeraya.
Hawlgalan oo si buuxda xaley u bilowdey ayaa lagu
doonayaa in lagu xaqiijiyo amaanka guud ee magaalada
Boosaaso oo maalmihii ugu dambeeyey faraha ka sii
baxayey.
Lama oga ilaa iyo hada khasaaraha dhabta ee ka
dhashey rasaasta caawa la maqley iyo ujeedada ka
dambeysa.
Isku day aan ku doonay inaan kula xiriirno
masuuliyiin ka tirsan laamaha amaanka iyo maamulka
si aan wax uga waydiino xaaladaha taagan ayey inoo
suurtagali waydey inaan helo masuuliyiintaasi,
iyadoo ay u muuqatey in masuuliyiintaasi ay ka
gaabsanayaan arimahaasi inay xiligan ka hadlaan.
BNN International News Disk
