“Ma Jiraan Arrimo Siyasadeed Oo
Booqashadni Xambaarsantahay “Xubin Ka Tirsan Gudiga
Jaamacadda Cammud
“Shacbiga Reer Soomaaliland Meel Kastay Booqan
Karaan Ama Lagu Casumi Karaa “Badhsaabka Gobolka
Borama-(Bnn)-Magaalada Boorama ayaa weli waxa
ku sugan wafdi ka kooban siyaasiyiin kasoo jeeda
degaanada Sool iyo sanaag Bari oo u horkacayo
siyaasiga caanka ee reer Sool Axmed Cabdi Xaasade
kuna weheliyeen xubno kasoo jeeda degaanada Sanaag
Bari ee Soomaaliland.
Booqaashadan oo la filayey maalintii khamiistii oo
dib uga dhacday ilaa habeenkii ayaa sida la sheegeyo
dareenno kala duwan ka dhex abuurtay qaybaha
dadweynaha Boorama balse sida uu ii sheegay xubin ka
tirsan Guddiga Jaamacadda Cammuud lana yidhaa Xaaji
Axmed Miisaan ayaa la sheegeyaa inay booqashada
wafdigani la xidhiidho iskaashi la xidhidha dhinaca
waayo aragnimada maamul iyo horumarineed ee ka
dhaxayn kara gobolada dalka isagoo xaajigu
arrintaasi ka warramayana waxa uu yidhi”wafdigani
waa siyaasiyiin reer Soomaaliland waxyna noogu
yimaaddeen markii ay naga codsadeen inaan ka
caawinno waayo aragnimada reer Boorama ku dhisteen ,jaamacadaha
jidadka iyo horumarinta maamulka Biyaha,waxan maanta
geynay jaamacadda cammuud,shirkadda Biyaha ee shaba
iyo meelo kale oo ay is leeyihiin waxbay dadkooda ku
nool gobolada ay ka yimaaddeen ugu faa’iideyn
karaan.waxay nooga warrameen baahiyahooda dhinaca
qalabka wabarashada iyo maamulada horumarinta waxan
saaka u dirray buugaag iyo agab kale oo waxbarasho
oo jaamacadda cammuudi u dirtay goboladaasi annagoo
ugu dhiibnay siyaasiyiintoodan mana jiraan arrimo
siyaasadeed oo ay nagusoo hadal qaadeeni annaguna
shaqoba kuma lihin siyaasad”.
Guddoomiyaha gobolka Awdal Maxamuud Sheekh C/Laahi
oo qaddar kaddib markii uu kasoo baxay shir xog
waraysi ah oo ay wada yeesheen isaga masuuliyiintaa
ka socotay gobolada Sool Iyo Sanaag bari iyo madax
dhaqameedyo reer Boorama ah oo an kulankoodaa
saxaafadda waxba looga sheegin wixii kasoo baxay
ayaa yidhi ” waa shay iska caadi ah in dadka reer
Soomaaliland aanay kala qoqobnayn qofka sool
joogaana iman karo Boorama .Annagu ka dawlad ahaan
uma yeedhin balse dhinaca ururada rayidka ah oo ay
jaamacaddu ka mid tahay way isdhaafsan karaan
booqashooyin mana aha in laga sameeyo wax aan jirin
“.
Inkastoo aanay wafdiga reer barigu booqashadoodan
Boorama waxba uga sheegin saxaafadda isla markaana
aad moodeysay inay iska dhawrayeen dareenno badan oo
sababay inaysan ka muuqan goobaha martiyadu kusoo
degto,sida Rays Huteel laguna marigeliyey guryaha
rayidka balse qaar ka mid ah dadweynaha ayaa
booqashoodan u haysta inay tahay mid siyaasadeed oo
ay labadaa gobol ee darifyadu ku doonayaan inay iska
bahaystaan beelaha dhexe ee Soomaaliland maadaama
wakhtigan xasaasiga ah ee dalka uu ka taagan yahay
muran siyaasadeed reer Awdal goboldaasi uga baahan
yihiin taageero siyaasadeed oo la mid ah tii looga
bartay dawladdii 1960kii .Dhinaca kale qaar ka mid
ah dadweynaha ayaa sheegay inaysan wafdigan iyo reer
Sool toona ku saamaxayn wixii ay ku sameeyeen
Madaxweyne Rayaale wakhtigii uu booqashada ku tegey
goboladooda kuwaasoo xabbad kala hor yimid wafdigii
booqashadii Rayaale ugu tegay afar ama saddexano ka
horsida darteedna ay wafdigani Boorama u yimaaddeen
sidii ay reer Boorama uga raalligelin lahaayeen
wixii wagaa dhacay bog cusubna loo furo
xidhiidhkooda horumarineed.
Source Lughaya News
