Borama-(BNN)-Munaasibada Xuska 18 May 2008 ayaa
waxa ay odaydhaqameedyadii ka soo qayb gashay isku
waydaarsadeen hadalo guubaabo u badan kuwaasi oo ay
ugu talo galsanaayeen inay dadka ku dardaaraan
adkaynta nabadgalyada.halka ay Marwooyin ku hadlayay
magaca haweenku tilmaameen inay Raggu wax badan oo xaq
ah oo ay haweenku lahaayeen ay duudsiiyeen isla
markaana ay iska indho tireen inay haweenku ka qayb
qaataan talada dalka.
Suldaan Ibraahim Dacar Yuusuf oo ugu horeyn halkaasi
ka hadlay ayaa waxa uu tilmaamay sida loogu baahan
yahay in nabadgalyada ay Somaliland dunida u iibgayso
la dhowro waxana uu tilmaamay in ay muqadas tahay oo
looga baahan yahay 4 tii qof ee reer Somaliland ah ee
meel ku kulantaba inay ka wada haldaan sidii nabadan
aan New York oolin loo baxnaanin lahaa waxana uu
amaanayay go’aankii ay dhawaan xukuumada iyo
mucaaridku ku gaadheen in wada hadalo wax walba lagu
dhameeyo.
Suldaan Baade o oa ka tirsan Salaadiinta G/Awdal ayaa
isagun ku dardaaray Alla ka cabsiga iyo in la adkeeyo
cabsida eebe waxana uu sheegay inay maalintani u tahay
maalin wayn ummada reer Somaliland.waxa isaga oo
suldaanku ka hadlaya arrimaha Siyaasada uu yidhi”Cidda
aan dooranayno aan u eegno Cilmiga,Caqliga iyo
dhowsanaanta sidaa aawadeed waxa waajib ah in aanaan
cidna ku qiimayn Qabiil ee aan eegno yaa wax ummadan u
qabanaya.”
Suldaan Cabdi Jaamac Dhawal oo isaguna goobtaasi ka
hadlay ayaa waxa uu sheegay inay madashan fadhiyaan
odoyaal Guurti ah oo taariikhdii dhalashada dalkan ka
soo qaatay door muhiim ah,suldaanku waxa uu sheegay in
loo baahan yahay in la adkeeyo nabadgalyada maanta la
hayo iyo midnimada Somaliland.waxa Suldaanku isaga oo
arrimaha siyaasada ka hadlaya uu yidhi “Dalkeena waxa
ku loolamaya dad wada dhashay oo isleh oo kursi kala
jiidanay anaguna waxa la nalaga rabaa inaanu u
garqaadno oo aanu garsoore ka noqoto isla markaana soo
saarno cidda mudan in ay dalkan hogaamiso.”
X.Maxamed Axmed oo isaguna ka tirsan odayaasha golaha
Guurtida ayaa ka gaban inuu tilmaamo inay guurtidu
muhiim u tahay jiritaanka dalkan isla markaana ay
odayaashu yihiin Gole sharci ah go’aanka ay gaadhaana
uu yahay mid sharci ah,waxa uu tilmaamay inay 18 May
ay timida markale ka dib markii 1960KII aanu ilduufan
adkaysashadii Xorriyada,waxana isaga oo sii hadlaya uu
yidhi “Waxa aan hubaa in khilaafkii dhexdeena yaal uu
wada hadalkaasi ku dhamaaday sabobtoo ah reer
Somaliland waxa ay ku caan baxeen inay khilaafaadkooda
iyagu xalistaan.”.
Xaawa Rooble Cidheere oo ku hadlay Magaca Haween
Waynaha Awdal ayaa waxa ay tilmaantay in haweenku ay
kaalin muhiim ah ka soo qaataan halgankii dalka waxana
ay intaasi daba dhigtay in Dastuurka dalku uu yahay
mid ka garbo duubka u xidhay Haweenka oo isla markaana
Xaqoodii aasaasiga ahaa aanu ku qornayn waxana aanay
tidhi “Maxaa kaanay in Dastuurkii dalkeena laga waayo
xaqii ay Marwadu lahayd.”.
Marwo Xaawa iyada oo hadalka sii wadata ayaa waxa ay
tilmaantay in dalka maadaana oo ay Raggii ka dhago
adaygeen inay talada Haweenka ka qayb galiyeen ay
iyagu ku heshiiyaan oo aanay ku kala tagin waxa aanay
tilmaantay in loo baahan yahay in wax walba foojignaan
iyo fiirsasho loo sameeyo.
Marwo Xaawa iyada oo si dadban ula hadlaysa Eng.Faysal
Cali Waraabe ayaa waxa ay tidhi “Dhaqankeena
Somaliyeed way ka madhnayd in marwada la
aflagaadeeyo,Aflagaadadaasina waa mid inta badan ka
soo yeedha Mucaaridka waxaanan leenahay halaga
waantoobo oo Marwada Somaliyeed waxii uu dhaqan ahaa
haloo xeeriyo.”.
Si kastaba ha ahaatee Oday dhaqameedyadii munaasibadan
ka hadlay ayaan wax jawaab ah ka bixin inay damaanad
qaadayaan wax ka qabashada cabashooyinkaasi ay
Haweenku soo jeedinayaan waxana ay gabi ahaantooda
Carabka ku adkeeyeen Arrimaha Siyaasadda iyo sugida
Nabadgalyada
Xisbiyada siyaasada ayaa iguna goobtaa ka hadlay oo
-Xafladaas oo aadka u balaadhanayd oo lagu xusayo
munaasabada sanadguuradii 18aad ee maalintii xoriyada
dib u heshay Somaliland ayaa lagu qabtay fagaaraha
khayriyada ee magaalada Boorama, munaashanadan ayaa
waxa ka soo qayb galay Gudeemiyaha xisbiga mucaaridka
ah ee UCID, Gudoomiyaha gobolka Awdal, Musharaxa
Madaxwayne Kuxigeenka Xisbiga Kulmiye Ismaaciil Muumin,
Gudomiyaha Golaha Degaanka, Salaadiin,odayaal ka
tirsan golaha Guurtida,Haween,Arday iyo dadwayne aad u
tiro badan .
Munaasibadan ayaa ciidamada qalabka sida iyo kuwa
Booliska iyo Asluubtu ay soo bandhigeen gaardi socod
ah oo ay ka soo bilaabeen Xarunta dowlada hoose ee
magaalada Borama isla markaana ku soo gaadhen goobtii
Khayrida Magaalada Borama halkaasi oo ay salaam sharaf
ku siiyeen madaxdii madasha fadhiday.Ciidamadan
Salaanta bixinayay ayaa waxa ay ahaayeen kuwa kaliya
ee dadwaynaha badi goobta yimid usoo daawasho tageen
isla markaana u riyaaqeen isla helidooda gaardida iyo
dhawaqa kala duduwan ee afka ka leeyihiin wallow ay u
muuqdeen inaanay baryahan dambe helin tabobaro ku
wajahan dhinaca gaardida.
Kooxo dhalinyaro ah oo iyaguna soo bandhigay Ciyaaraha
Hidaha iyo Dhaqanka kuwaasi oo muujiyay inuu gobolkani
leeyahay taariikh soo jireen ah oo dhinaca fanka ah
isla markaana ku muujiyay sida ay u taageersan yihiin
jiritaanka xukuumada Somalilan,dhanka kalena
munaasibadan oo ku soo beegantay waqti ay dugsiyada
waxbarashada ee dalku fasax yihiin isla markaana
ardayda ayaa waxa ay ka qaadatay door muhiim ah waxana
ay soo bandhigtay sida ay u yihiin ardaydu cudud
laxaad leh oo ka tirsan da’ayarta soo koreysa ee dalka.
Gudoomiyaha Waxbarashada G/Awdal Prof Daahir Maxamuud
Xadi ayaa tilmaamay inay maalintani ahmiyad gaar ah u
leedahay ardayda iyo bahda waxbarashada waxana uu
sheegay inay wasaaradu horumar ku talaabsatay sidaa
aawadeed uu horumarkaasi ku yimiday helitaankii dal
madax banaan oo ay dadkiisu maamulaan,kaasi oo la
helay 18 May 1991.
Ku simaha duqa magaalada Borama Muumin Gadiid Cumar
ayaa u mahad naqay gabi ahaanba dadwaynihii madasha
iskugu yimid iyo madaxdii ka soo qayb gashay
munaasibadan waxana tilmaamay in ay aad ugu faraxsan
yihiin inay munaasibadan kala soo qayb galaan
masuuliyiin ka tirsan Axsaabta mucaaridka iyo Golaha
guurtida waxana uu dadka reer Awdal ugu baaqay in ay
nabada dhowraan.
Badhasaabka gobolka Awdal Maxamuud Sh.C/laahi Cige
ayaa isaguna si wayn ugu mahadnaqay Eng.Faysal Cali
Waraabe waxaana uuna tilmaamay inay munaasibadani
tahay maalin ciid ah sidoo kalena uu hambalyo u diray
Gabi ahaanba shacabka reer Somaliland meelkasta oo ay
joogaanba.
Sidoo kale Xoghayaha dowlada Hoose C/risaaq Cali
Cismaan ayaa tilmaamay inay munaasibadan
qabanqaadabadeeda kala qayb qaateen wasaarada
Waxbarashada shariikadaha isgaadhsiinta,Shariikadaha
Laydhka iyo shaqaalaha dowlada Hoose kuwaasi oo uu
mahadnaq usoo jeediyay.
Munaasibadan oo ay dadwayne faro badani ka soo qayb
galeen ayaa waxa ay dadku u muuqdeen kuwo sugaya
khudbada Eng.Faysal Cali Waraabe oo ay waxbadan
magaciisa ka maqlaan Idaacadaha waxana aanay manta
munaasibadani ku soo began tahay wakhti uu heerkulku
aad u sareeyey.Waxaanu Faysal aad ugu hadlay
waxyaabaha taagan hada ee ka jira dalka waxaanu yidhi
reer Booramow hadii uu Riyaale na dulmayo naga qabta
oo hangu eegina waxaan madasha ka muuqatay in Faysal
Cali waraabe taageero xoogan ku lee yahay gobolka
Awdal, halka lagaga oriyey masuuliyiintii ka soctay
Xisbiga Kulmiye
Borama News Network (Bnn)
Hassan Issa ..Borama
