Hargeysa (Bnn)- Kulan
balaadhan oo ay kasoo qayb galayn Wasiirka arimaha
gudaha Md Cirro, gudoomiyaha gobolka Maroodi-jeex Md
Cali Asad, Maayarka Caasimada Hargeysa Md Jiciir,
Gudoomiyayaasha shanta degmo ee hargeisa iyo
taliyayaasha saldhigyada magaalada ayaa maanta lagu
qabtay xarunta dowlada hoose ee hargeisa.
kulankan oo ku saabsanaa sidii loo xoojin lahaa
amaanka caasimada hargeisa loogana hortagi lahaa
waxkasta oo khalkhal galinaya amaanka ayaa waxa
furay wasiirka arimaha gudaha Md C/laahi Cirro.
Wasiirka oo la hadlayey xubnaha kasoo qayb galay
shirka ayaa ku adkeeyey in masuuliyad dheeraad ah la
iska saaro sidii loo sugi lahaa nabada iyo amniga
magalaada hargeysa, iyadoo buu sheegay ay soo
dhawdahay munaasibadii gooni isu taaga JSL oo lagu
qabanayo hargeysa sidaa darteedna digtooni dheeraad
ah la muujiyo.
Wasiirku wuxu u sheegay xubnaha kasoo qayb galay
shirkan in shirkadni aanu noqon doonin kii ugu
dameeyey balse uu yahay bilaw, noqona doono mid
joogta ah oo lagaga tashado amaanka caasimada.
kulankan ayaa sidoo kale u muuqday mid lagu turxaan
bixinayo khilaaf soo kala dhex galay golaha
deegaanka hargeysa iyo wasaarada arimaha gudaha oo
ku saabsana mudaharaad rabshado watay dadna ku
dhinteen oo ka dhacay magalaada hargeisa kaas oo
masuuliyadeeda ay isku tuur tuureen Golaha deegaanka
Hargeysa iyo Wasaarada Arimaha gudaha oo midba midka
kale ku eedaysay inuu masuul ka yahay.
Todobaadyadii ugu dambeeyey wadooyinka waaweyn ee
magaalada hargeisa waxa habeenki xiliyada dambe gaaf
wareega ciidanka booliska iyo kuwa military-ga oo si
weyn u suga amaanka caasimada, iyagoo xitaa
istaajiya gadiidka gaarka loo leeyahay ee habeenki
xiliyada dambe maraya wadooyinka magaalada.
Borama News Network
Hargeysa Office
