Hargeysa (Bnn)-Xubnaha
isadal doonka ee dhawaan ku biiray xisiga mucaaradka
ah ee kulmiye ayaa eedayn kulul u jeediyey hogaanka
sare ee xisiga.
Shir jaraaid oo ay xunahaasi ku qabteen hotel
Emperial ee magalaada hargeisa waxay kusoo
bandhigeen qodobo ay ku sheegayn inay markhaati u
yihiin sida maamulka sare ee xisbigu uga leexday
dhabihi dumuqraadiyada.
xubnaha oo uu u hadlay Prof. Azaari ayaa si kulul
ugu eedayey hogaanka kulmiye inay maroorsadayn
taladii xisbiga isla markana ay ka dhago adeegayn
talo kasta oo losoo jeediyo.
Prof Azaari, oo dadweynaha usoo bandhigayey hab
maamulka xisbiga kulmiyey wuxu sheegay in lagu
hungoomay kulmiye oo ay askhaash gaar ihi
maroorsadeen taladii xisbiga si ay uga faaiidaystaan
uu yidhi danahooda gaarka ah, wuxuna ugu baaqay
dhamaan guddida dhexe ee dhawaantan lagu doortay
shirweynihi labaad ee xisbiga inay iska casilaan
xilalka ay ka hayaan xisbiga si buu yidhi doorasho
xalal ah ay ugu soo baxan.
wuxu sheegay in shirweynihi labaad ee xisbiga la
majaro habaabiyey oo buu yidhi si khaldan loo
maamulay, isagoo intaa ku daray in guddida dhexe ee
xisbiga lagu soo doortay nidaam baal marsan
dastuurka iyo shuruucda kale ee xisbiga u taala.
wuxu ku eedayey gudoomiyaha xisbiga kulmiye Axmed
Siilaanyo inuu talada kaligii isku kobay oo sidi
kaligii talisnimo ah u maamulay xisbiga isagoo wada
tashigii iyo isku tanaasulkii iyo shuruucdii
xisbigaba ka talaabsaday.
wuxu intaa ku daray Prof Azaari in haddii uu sidaa
kusii socdo hogaanka sare ee xisiga kulmiye ay taasi
keeni doonto in ay dad badan oo miisan leh ay ka
baxaan xisbiga, xisbiguna lumindoono dad badan oo
taageerayaashiisa ah.
waa waja gabaxii ugu weynaa ee soo foodsaara
hogaanka sare ee kulmiye ee dhawantan la doortay,
kaas oo kaga yimaada xubno miisan leh oo ku jira
xisbiga,
xubnaha isbadal doonka ee ku biiray dhawan xisbiga
ayaan wax muuqda laga siin guddida dhexe ee xisbiga,
iyadoo labo xubnood oo kaliya lasiiyey, waxayna
taasi keentay inay siweyn uga cadhoodan hab maamulka
xisbiga.
Borama News Network
Hargeysa Office
