Warar sugan oo lagu kalsoon yahay
oo aan ka helnay ilo muhiim ah oo ku dhow dhow
Madaxweynaha Jamhuuriyadda Federaalka ah ayaa
sheegaya in safarki uu madaxweyne C/llaahi Yusuf ku
tegay dalka Mareykanka gaar ahaan magaalada
Washington DC wuxuu shir isugu yeeray xubno ka soo
jeeda beesha uu ka dhashay ee DAAROOD. Shirkaas
wuxuu ugu sheegay in fursad aad qaali u ah ay beesha
Daarood heysato maanta, loona baahan yahay in ay ka
faa'iideysato, isagoo intaas u raaciyay in ay dalka
soomaaliya ku soo laabtaan.
Mar uu ka hadlayay fursadaha aad qaaliga u ah ee ay
beesha daarood heysato ayuu ku yiri: Fursadaha aan
heysanno oo aan ku dhayi karno boogihii iyo
dhibaatooyinkii faraha badnaa ee soo gaaray beesha
daarood una geysatay beesha HAWIYE waxaa ka mid ah:
1. Hoggaanka sare ee dowladda federalka ah oo maanta
gacanteenna ku jira
2. Quwad ciidan iyo qalab dhameystiran oo aan ka
heleyno dowladaha Mareykanka iyo Ethiopia.
3. Sida aad ogtihiin beesha Hawiye waxay leedahay
Prime minister-ka waxaana ka xulaa mid maqaar saar
ah oo u adeega danaha beesha Daarood.
4. iyo in aysan jirin amaba jiri karin cid hor
istaagi karta haddii aan isku darsanno labada
awoodood ee ugu sareeya dowladda oo ah Madaxweynaha
iyo Prime ministerka ee dalka ku soo noqda.
Warku wuxuu intaa ku daray in xubin ka mid ah
xubnaha uu shirka u qabtay Madaxweynuhu mar uu
dhiibanayay fekerkiisa ku aaddan hadalka
Madaxweynaha uu gaashaanka ku dhuftay isagoo
madaxweynaha u sheegay in aysan suuragal aheyn
hadallada guubaabada ah ee uu soo jeediyay
madaxweyne C/llaahi Yuusuf oo ku saleysan qabiilka
aanan waxba lagu heleyn, tan kaliya ee wax lagu heli
karaana ay tahay midnimo soomaali. Madaxweyne Yusuf
oo aad u necbeystay fekerkaas ayaa si caro leh ugu
jawaabay shaqsigaas ereyo aad ka dheehan kartid
carada hadalkaasi ka keenay isagoo yiri: (Fulay
Hadalkiisu qabasho ma laha), dalkuna maanta annaga
ayuu gacanta noogu jiraa haddey ahaan laheyd xag
siyaad, xag dhaqaale iyo xag quwad ciidan intaba.
wixii intaa dheer ee nag waxaad kala socotaan webkan
casriga ah ee "BNN" "boramanewsnetwork"
Boramanews.com
(BNN)
Abdoulkarim Qamaan Ali "Fiiri"
