Aad iyo aadbaan ula dhacay
taageerada talo iyo tusaalahana leh, kuna
salaysan murtida toosan, ee haweenka reer
Boon UK, u fidiyeen dhismaha dugsi sare oo
Boon yeelato. Waa iska xaal adduunyo, oo
Aadan Isaaq Axamad Iidle (Allaha u
Naxariisto) dabadii, cidina dugsi uma
dhisin Boon, oo ka mid ah dhulka ugu
qadiimisan xaddaaradda Awdal.
Hadaba Xaawaleeyda waxan
leehay; marba hadaad idinku bisinka ku
billowdeen dugsigaasi sare
ee Boon, bal halloo bixiyo magac ka
tarjumaya haweenka Boon ee karaamada leh.
Magacaasna, anuu waxaban u dooran lahaa
ISNIINO Secondary School – Boon. Isla
haweenka reer Boon ee UK, waxan ka
codsanlahayn inay iyaga laftarkoodu noo
furaan qasnadii an qaadhaanka dugsigan ugu
soo ridi lahayn, iyaga laftarkooduna
maamulka qasnadaas noo hayaan.
Ragii reer Boon ahaana
waxan leehay, hawlbaa innoo taalla, oo
nin murtidiisa dhiiba, iyo nin maal dhiiba,
iyo nin muruqiisa dhiiba, iyo nin
maskaxdiisa dhiibaba , hurdo way inaga
dheertahaye inaga dhaqaajiya meesha.
Hadal hablaha (aniga
xagayga waa hablahayagiiye) Boon UK ayaa
dhammeeyay, aniguna waxan ugu darayaa
hambalyo iyo bogaadin iyo duco kal iyo
laab ah. Taasi oo an kusoo koobayo
maansada an ugu magac daray
“Habloow Walaalo Huunno”:
Habloow
walaalo huunno
Haweenka
Boonoow heedhe
Hayb kuwaan
wadaagnoow haye
Hambalyo
iga hanta Aaddo
Hibiyo
ducana iga hooya
Hadii iyo
haddaadba haatan
Haantiyo
sufraarka haysaan
Hawl iyo
safar u hogateen
Hadasheena
heelliyo maansiyo
Hurdo ka
haw dhaha tidhaahdeen
Haddii iyo
haddaadba haatan
Hadaaqii
Boon tidhi hayaayda
Hibitiqladii ilmada ka hoortay
Ku
hambabariseen haybteedii
Halbawlihiyo dhiiga huriseen
Haddii iyo
haddaadba haatan
Himiladay horseeday
Booniyo
Higsateenba
hays caawisadii
Hooy
waxbarasho heer sariyo
Hirgalin
dugsi haleesheen
Ilaahba
hodanoo hanti lehe
Isagaan
hadhaynoo hodmayne
Hiilbaa
laga helaa iyo hooye
Inuu na
habeeyo na hogaansho
Habloow ku
hibeeya ducadana……Aaaaaaaamiiiiiiin……..
Sidaa Iyo Guul Dugsiga Boon
iyo Gobsanaa Hablahayagu.
Cabdiqani Yuusuf Caateeye
HiilDan
