LOGO3ABDUU

Tuesday, 12 September 2017 15:55

Shaqaale Gar-Gaar Oo Mudo Labo Bilood U Afduubnaa Uruka Al-Shabaab Oo Dib xoriyadoodii U helay

12/09/2017 (BNN)  Shaqaale Gar-Gaar Oo Mudo Labo Bilood U Afduubnaa Uruka Al-Shabaab Oo  Dib xoriyadoodii U helay

 

Gabdho howlo samafal ah waday gobolka Hiiraan oo muddo labo bilood ah u afduubnaa ururka Al-shabaab ayaa la siidaayay gelinkii dambe ee maalintii Axadii, sida ay baahisay warbaahinta dowladda federaalka Soomaaliya

Aabaha dhalay mid kamid ah Gabdhahaasi oo ka gaabsaday magaciisa oo la hadlay Wakaaladda Sonna ayaa sheegay in Maleeshiyaadka kooxda Alshabaab ay siidaayay labo kamid ah sedax Gabdhood oo u shaqaynayay Hay’adda Hello-Trast oo ka shaqeysa arimaha samafalka kadib markii ay ka qaataan waalidiintooda lacago madax furasho ah oo gaaraya min 13,000 kun oo Dollar,waxaana gabdhaha la haystay muddo labo bilood.

“Muddo kadib ayay Shabaab u afduubnaayeen gabdhahan oo sedex ahaa,alaxadulillah maanat ayaa la soo daayay,waxaa nalaga qaatay lacag dhan min 13,000 kun oo Dollar,waxay ka shaqeynayeen awal howlo samafal oo ay Gobolka kawadaan,waxaana laga afduubtay Deegaanka Farlibaax”, Ayuu yiri Aabaha dhalay gabar kamid ah labadaasi Gabdhood.

Gabdhahan oo ahaa 3 qof ayaa laga afduubtay Deegaanka lagu magacaabo Farlibaax oo katirsan Gobolkaasi Hiiraan, halkaasi oo ay ka wadeen howlo loogu gargaarayo dadka dhibaataysan waxaan weli maqan hal gabar taasi oo aan la ogayn waxa ay ka yeelidoonaan maleeshiyaadkaasi Shabaab.

Waalidiinta Gabdhahaasi oo ahaa dhalinyaro ayaa in muddo ah ka walaacsanaa,afduubka loo haystay gabdhahaan oo lagu hayay Deegaanka Buq-Aqable oo katirsan gobolka Hiiraan,waxaana loo diiday in ay arkaan kadib markii halkaasi ay tageen.

12kii bishii July ee tagtay ayay ahayd markii maleeshiyada Alshabaab ay lacago madax-furasho ah ay ku siidaayeen ilaa 7 shaqaale samafal oo u shaqeynayay Hay’adda lagu magacabo Gareedo oo ka howlgasha Gobolka Bay 4 kamid ahna ahaa haween,kuwaasi oo ay ka qafaasheen duleedka magaaladaasi.

Xafiiska Wararka BoramaNews
BoramaNews.com

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree