ABDUU

Tuesday, 17 April 2018 11:05

Madaxwaynaha Dalka JabuutiIsmaaciil Cumar Geele Oo Cadeeyay Sabobta Jabuuti Ay Wadamo Badani Uga Samysteen Saldhig Ciidan

17/4/2018 (BNN) -Madaxweynaha Djibouti Ismaaciil Cumar Geele, ayaa sheegay in dalalka ku leh saldhigyada milatari dalkiisa Djibouti, aanay ahayn qaar u socda istaraataji iyo tartan ee ay u joogaan Djibouti arrimaha ammaanka iyo nabadgelyada gobalka. "Saldhigyadayadu waxay la dagaalamaan argagixisada.” Ayuu yidhi.

Madaxweyne Geele oo dalka Sucuudiga oo uu kaga qayb galay shirkii madaxda Carabta ugu waramay wargeyska Al Sharqal Awsat, ayaa yidhi "Ujeedadoodu maaha inay tartan caalami ah ka abuurayaan oo ku salaysan dhaqaale iyo dano istaraatajiyadeed, ee waxa weeye la dagaalanka argagixisada iyo budhcad badeeda.” Ayuu yidhi Madaxweyne Geele oo sheegay inaanay saldhigyadu dhib nabadgelyo darro ahayn, waxaanu intaas raaciyay "Waxaanu ku faraxsanahay inaanu ka shaqaynano ammaanka, dgenaanshaha iyo horumarka dalkayaga.”
Isagoo madaxweyne Geele, hadalkiisa sii wata wuxuu yidhi "Waxaanu rajaynaynaa inaanu door muhiim ah ka ciyaarno geeska afrika iyo bariga afrika si loo gaadho dhaqaale sugan iyo degenaansnaho siyaasadeed.”

Madaxweyne Ismaaciil Cumar Geele, waxa kale oo uu ka hadlay xaaladda ay ku suganyihiin dalal Carbeed oo badani sida Soomaaliya, Ciraaq, Suuriya, Yemen iyo Liibiya iyo weliba Falastiin.


Xafiiska Wararka BoramaNews
BoramaNews.com

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree